.

Hei! Dette er den gamle bloggen min! Viss du trykkjer på bildet til venstre med fjøra, kjem du til den nye bloggen min!!!

Velkommen! :)


This is my old blog. Push the picture with the feather at your left, to visit my new blog!

Welcome! :)



lørdag 17. oktober 2009

Eventyr...

Tenk å få gå ut av huset sitt, og oppleve slik natur... Av og til kan ein ta det for gitt. Men etter månedsvis med regn og ruskevèr, blir naturen ekstra vakker, når sola legg seg mjukt kring gullfarga lier. Det er nesten som ein kan lure på om det er ein draum?

Og når sola har gått ned bak fjellet, og ein kan merke at dagen er på hell, blir himmelen meir og meir rosa.

Doggen, som aldri har tørka opp denne vakre oktoberdagen, ligg tett og glinsande utover gras og myr. Det er no ein skal puste djupt inn, og utatt. Og kjenne at det er veldig godt å leve!

post signature


17.oktober 2009

Yndlingshylle

Eg hadde verdas snillaste pappa. Ein gong vi held på å rydde i ein gammal kjellar, fann vi ei hylle eg likte så godt. Men den tilhøyrde nokon andre. Pappa tok den med til ein eldre mann i nabobygda, og han ville lage ein kopi av ho, men tre gongar lengda av den opprinnelege. Etter nokre veker var hylla ferdig, og pappa reiste for å hente ho. Den gamle ville ha 50 (!)kroner for arbeidet. Eg meiner pappa fekk han til å ta imot 200 kroner. "ein fekk ei god mjelkekyr for det under krigen", sa den gamle... Dette er 15 år sidan no, og pappa døydde i juni 2007. Eg saknar han kvar dag, men som eg har sagt før, slike gode minner rundt tinga mine, hjelper på! Forrige veke måla eg hylla kvit, og ho har fått heidersplassen på dusjrommet i hovedetasjen.



Legg merke til dei flotte detaljane! Hylla var prikk lik den originale, bortsett frå at denne er mykje lengre. Ein skatt for meg!

post signature

fredag 16. oktober 2009

Pepperkaker!


Eg fekk pepperkaker i ettermiddag! :)Har problemer med halsen, og måtte avlyse eit vennebesøk med min nederlandske nabo, Corine. Når eg kom frå legen, hadde ho vore nedom meg med nederlandske pepperkaker, speculaas. Tenk å vere så snill! Så no sitt vi her og et julekaker, og har funne ut at det er veldig fort gjort at det blir november og desember?

Kjøkken

I dag hadde eg tenkt å ta bilder av kjøkkenet mitt. Men dei vart ikkje noko gode. Har lite peiling på å ta bilder innendørs. Det er utendørsfotografering som har vore min store lidenskap gjennom åra. Men; det er no bilder i alle fall. Kjøkkenet er stort, noko som gjekk utover stova under bygginga av huset. Det stod ferdig i juni 1999. Ferdig og ferdig... Vi blir visst aldri ferdig? Har ein hus, har ein arbeid, heiter det, og det er jammen sikkert! Vi brukte lady 80 på takpanel og lister, noko som vart dømt nord og ned av såkalla ekspertar for 10 år sidan. Vi har alltid vore fornøgde med dette, og så er det lett å vaske sot av... Og sot er her alltid, p.g.a. min lidenskap for levande lys... I gamle hus i bygda ser ein også denne blanke finishen, og dette var vår inspirasjon til valet.
I starten hadde vi kjøkkenbordet i frambygget, og ope golv framfor innreiinga. Supert for små håpefulle som rasa rundt på trehjulssykkel. Men siste åra har vi hatt leseplass ved vindauga i staden for, og flytta bordet nærare komfyren. Dette er fole greit for pådekking og andre aktivitetar ved bordet. Vi hadde i utgangspunktet eit 1800-talsbord med kulebein, men det var litt for lavt, og vanskeleg å halde reint. Så det står til lagring. Vi fann også ut at det er praktisk med eit slett og enkelt bord, med tanke på avtørking av mat, juice, tusj og andre ting barn har det med å rote rundt seg med.
Det er sjølvsagt mange ting eg ville gjort annaleis i dag, viss eg skulle byggje på nytt. Men det er ting som er knytt opp til kostnader, og som stoppa naturleg i planleggingsprosessen vår for 10-15 år sidan også. Mitt råd til husbyggjarar i dag, må vere å få så stor plass som mogeleg. Eg trur det er viktigare enn alle mogelege dippeduttar og gadgets? I alle fall er det eit tema blant mange av mine bekjente ein del år etter bygging.
Så håper eg at vèrvarsla stemmer, og at vi her på nordvestlandet får ei flott helg med sol! (og alle dokke andre med sjølvsagt...) ;)No regner her i alle fall sidelengs!

torsdag 15. oktober 2009

Emmas verden, draumebutikk!





I dag har eg vore så heldig å besøke butikken til Emmas verden. (og no skulle eg ha funne ut korleis ein legger kobling til navn...) Fantastisk mange fine ting, skulle vore rik sånne dagar! Men; det er no snart jul, og eg held på å lage ynskjeliste på div. butikkar. Beudringsverdig at innehavar har starta opp utanfor sentrumsområdet på andre sida av fjorden! For meg tar det ca.ein time å køyre dit, og det gjer eg gjerne fleire gongar! Også fint å kombinere med besøk hos Devold fabrikkutsalg, og Kosta Boda. Såg også fleire andre fine butikkar på min lille rundtur i Langevåg sentrum. Vel heime att fortsetter arbeidet med jenterommet. Det er heilt utruleg kor mange små ting ei jente på 9 år må ha rundt seg? Ikkje minst nærare 200 PetShop skapningar... Men vi nærmer oss ferdigstilling. Og då må Siv Anita kome og sjå? Draumebarnehagetanta... TADA!!! Den var intern... ;)

onsdag 14. oktober 2009

Takk for blogtips!




Denne idèen fann eg inne på ein eller annan blog, men klarer desverre ikkje å huske kven som gav den til meg? BEKLAGER! Men; enkelt, og veldig flott! Vindusramma fann draumemannen i fjøra for mange år sidan. Og så har den blitt med på div.flyttelass, heldigvis. For no hadde eg plutseleg bruk for den! Og når naboen, som har hatt kanin og høner i hagen sponsa nettingen; ja, så blei dette eit rimeleg prosjekt! Det er meininga at kunstverket skal opp på rommet til draumetausa, men heng no på kjøkkenet.

GOD ONSDAG TIL ALLE!

Oi! No kjem postmannen med lysekruna eg kjøpte på Netthandelen! DET blir spennende!

tirsdag 13. oktober 2009

Nattbord på stova



Eg har pussa opp to gamle nattbord som naboen skulle kaste. Dei har no havna på stova. Draumemannen berre sukka. Det er aldri noko som går heilt etter planen, har eg funne ut? Men det er no ikkje så fole nøye, så lenge mor i huset er blid og fornøgd. Det er alle einige i. I dag skal dei nye tinga på plass oppe hos draumetausa. Det er berre å kome i gang. For med ommøblering, følger det alltid mykje rydde og vaskearbeid. Men det er no greit å få unna slikt, så kan ein kose seg når mørketida verkeleg kjem? Ha ein fin dag!

mandag 12. oktober 2009

Nye kjøkkenskap






Oi, så flink eg var i dag då! Trur det er dei gode vèrvarsla som får meg så effektiv? Fekk eit syn tidlegare i dag om å lime ukebladklipp på bakveggen til kjøkkenskapa. Og no er eg ferdig med både nedvask, og opphenging. Det blei svært stor forandring på kjøkkenet!

Draumefunn!




Eg visste at mamsen hadde ei kasse med gamle blad på mørkeloftet, og har skulle vore opp og kika lenge. I dag var dagen. Og det var eit artig funn! Ein heil stabel med svenske Femina, frå 1959, 60 og 61. Eg måtte sjølvsagt lese litt i blada med ein gong, og har tenkt å bruke sider frå eit av dei til å lage ny bakvegg i glasskåpene på kjøkkenet. Det er rett fornøyeleg å sjå kvinnesynet, og temaene. Fann nokre juleutgåver også, men det var lite julestoff i dei? Fann også eit Kvinner og klær frå 59, med nydelege Audrey Hepburn på framsida. Har tusen idèar for desse skattane!

Tallerkenskåpa på plass - igjen


Det er målingsdagar i heimen. Som vanleg byrjar det i det små, for så å auke i omfang. Eg kjøpte ei tallerkenskåp for over ti år sidan på ein brukthandel. Den har vore oppe på veggen før, men eg kan ikkje sei at eg var så veldig glad i den? Der var noko illeluktande olje, eller smørning i treverket, som eg ikkje fekk renska ut. Eg synes alltid det er vanskeleg å bestemme seg om eit gammalt møbel skal målast eller ikkje. Rett og slett fordi eg har respekt for det! Men no når eg var i gang med så mykje anna, bestemte eg meg for å shine skåpa også. Er veldig spent på om oljen kjem ut gjennom målinga etter kvart? Men, men. Den som lever får sjå. Akkurat no er i alle fall resultatet bra, og har blitt opphaldsstad for skattar frå Villeroy & Boch og Egersunds Fayancefabrik.