Såg ein kommentar om engelen min; der ein utanlandsk bloggar kalla han Moss Angel. Dette synes eg høyrdes både stilig og eksklusivt ut; så då slår eg sjølvsagt over til engelske termar. Har vore ute og skunda meg å rydde opp i mosen min, før regnet kom. Det er 4 veker sidan det regna skikkeleg, og det har eg ikkje hatt noko imot. Men no kan eg med godt samvet styre med ting inne. Eg var slett ikkje fornøgd med den flygande forføraren, som vridde hovudet på mange bloggdamer her inne. Engelen var ikkje slik eg ville i fasong, og så mangla han hornet sitt! Og eg skal love dokke at ein engel utan horn føler seg rimeleg hjelpelaus! Så i dag har han fått trena magemusklar, og fått korrigert litt her og litt der. Var tenkt å pynte han med perler, men han var absolutt finast "In Nature" (knis! Eg er berre SÅ internasjonal i dag!) Så no kikar sikkert naboane ned hit, og lurer på kvifor i all verda Elin er ute og pyntar til jul... I midten av november?Men ein kan då ikkje la ein slik Stunning Moss Angel liggje å støve ned??? ;)
Angåande bruksanvisning; eg er ganske usikker på kva eg gjorde. Eg tenkte på kvar det skulle gå innover og utover i form. På baksida har eg festa ein ny del netting, for eg hadde ikkje nok til at det kom i hop igjen på baksida. Men nesten. Viss du er god på å sjå for deg forma, kan du sikkert greie å ha nok netting til heile prosjektet. Min engel er veldig stor, og nettingen ganske grov. Trur det finns typar som er meir finstillt, og enklare å jobbe med? Då kan ein nok lage mindre utgåver.
Og her er eit forsøk på forklaring! :)
NB! Eg klipte ikkje ut delar, sånn som på arket! Eg klipte beine linjer.
Måtte berre gjere det slik, sånn at det skulle vise på bildet! Hornet laga
eg til slutt; forma eit kremmerhus, og putta mose inni. Så no er EngleHerold ferdig.
(Han kviskra namnet sitt, før eg gjekk innatt!)
Ha ein flott laurdag!
♥
