.

Hei! Dette er den gamle bloggen min! Viss du trykkjer på bildet til venstre med fjøra, kjem du til den nye bloggen min!!!

Velkommen! :)


This is my old blog. Push the picture with the feather at your left, to visit my new blog!

Welcome! :)



lørdag 5. desember 2009





When you wish upon a star Makes no difference who you are
Anything your heart desires Will come to you
 If your heart is in your dreams No request is to extreme
When you wish upon a star As dreamers do
Fate is kind She brings to those who love
As sweet fullfillment of their secret drowns
Like a boat out of the blue Fate steps in and see's you through
 When you wished upon a star Your dreams come true
Fate is kind She brings to those who love As sweet fullfillment of their secret drowns
Like a boat out of the blue Fate steps in and see's you through
When you wished upon a star Makes no difference who you are
Your dreams come true



post signature

Husvask...

Då var laurdagen her igjen. Og endeleg er huset nyvaska. Min kjære hjalp meg i går, eg kan ikkje seie at det er yndlingsoppgåva mi, når ryggen ikkje er i slag. Men eg vil heller ikkje pynte, viss eg ikkje har fått vaska først! Men no har her skjedd saker og ting. Julegardina er klare, det er dei same som før, eg har berre festa zinkhjerter med julesløyfer på dei :) Stadig meir av julepynten finn vegen ned i fat og skåler. Eg er som kjent veldig svak for zink, og synes det er fint saman med sølv og kvitt. Men litt raudt er her også. Den vesle settekassa har fått plass i kjøkkenvinduet, med sandkakeformer, kremmarhus i hønsenetting, og små søte kjertelys. Ei gamal tråsnelle hadde også lyst å vise seg fram der. Alle andre gardin i hovedetasjen er av lin, og eg synes dette stoffet er fint til andre naturfargar. Dette er basisen i mi julepynting, som også ber preg av kongler frå lerk, gran og furu. Eg fekk ein spennande pakke i går frå "A mouse in a house", med metallsjablongar :) Desse var hyltøffe! Har allereie sett dei opp over ovnen. Etter kvart skal dei brukast både til det eine og det andre. Ellers er det kjekt at så mange allereie har meldt seg på GiveAwayen min! :) Viss du enno ikkje har meldt deg på, er det berre å leggje inn ein kommentar HER. Trekninga er ikkje før julaften.










Ha ein fortryllande laurdag! :)




post signature

fredag 4. desember 2009

GiveAway :) nesten 100 innlegg...





No har vi i alle fall kome til eit nytt innslag i "Elin gjer ting ho ikkje kan"! Dette skulle vere blogginnlegg
nr. 100, men etter opprydning i innleggslista, er det litt som manglar... :) Det ser eg mellom fingrane med! Og i den anledning vil eg gi vekk ei av mine fantastiske (her må vi smøre tjukt på!) knaggrekkjer! Her vist med julepynt :) Men som fersking i bloggverda, har eg litt lite kontroll på korleis eg skal gjere dette? Etter studering på andre bloggar; her er planen : Legg du att ein kommentar under dette innlegget, har du eitt lodd i trekninga. Viss du i tillegg linkar til sida mi, har du to. Er du i tillegg ein av mine kjekke følgjarar, får du tre :) Skriv i kommentaren om du linkar til meg, og om du er følgjar slik at eg enkelt kan lage ei oversikt! Eg er nemleg eit surrehovud! :) Trekninga skjer på julaften, for då fyller bloggen min 3 mnd.! :) Og kanskje når eg 5000 besøkjande før det? Husk på at du kan leggje inn ein kommentar, sjølv om du ikkje har blogg sjølv! Du trykkjer berre på anonym, men husk å skrive inn eit navn, og så må du sjekke i romjula om du har vunne! Dette blir moro! :) (viss nokon har lyst å vinne...) Knaggane og hjerta er forresten kjøpt hos verdas beste Anne i hennar draumebutikk "Emmas Verden". Eg kunne ha vore der kvar dag trur eg... 



Håper du vil vere med?





post signature

torsdag 3. desember 2009

Pakke i posten! :)

Eg skulle på fjelltur i dag, og hadde kava på meg fleire lag med klede. Kameraet var klart, og planane gode... Men så kom vinden. Isande kald gufsevind, som ikkje var planlagd. I tillegg skya det over; i det store og heile gjekk desse fantastiske planane mine i vasken. Men : eg er no like blid eg! :) For med alle dissa kleda, var det berre å gå ein tur i hagen! Og i går fekk eg verdas finaste pakke frå Hildegunn! Hespe design, og du verden kor glad eg blei! Einaste problemet var at pakken var så fin frå ytterst til innerst, at eg ikkje syns at eg kunne åpne han! Vakkert! Og så hadde den snille syerska lagt ved eit skjønt kremmarhus, med polkagrisar... Det var far i huset veldig glad for! Men hjerta er små kunstverk... Eg veit dei alltid vil vere spesielle for meg! Så no har dei blitt foreviga ute i den vakre desemberlufta, sjølv om vindkasta ikkje var heilt på mi side :) Tusen takk Hildegunn, for at du gjer oss andre så glade med handverket ditt!










Ha ein flott torsdag!





post signature

onsdag 2. desember 2009

Elin sine Zinkdraumar...

Dagen i dag har gått med på sjukehuset, mamsen har fått av gipsen, og eg stakk av til Langevågen etterpå... Skal tru kvar eg var då? ;) Vel, vel. :) Eg har innsett at eg er zinkavhengig. Eg veit ikkje om det finns ein kur... Men bilda tok eg i dag tidleg før eg reiste, så der er ikkje noko nytt på go`fjøla mi :) Eg dreg  forskjellege sånne gamle ting inni huset; denne har vore med oss i mange år. Likar så godt fargen på fjøla, og hola som har vore i henne i over hundre år... Gjer meg audmjuk, og får meg til å tenkje på at det har vore mange her før oss. Men eg forstår at lillebror trur det er ved! :) Ikkje alltid like enkelt å forstå mamma sin sans for gamle, rysta og til dels øydelagde ting. Pappa i huset hadde også meir rykningar i andletet før, enn no... ;) Han har nok funne ut at kreativitet medfører ein del merkelege gjenstandar i huset til tider. I morgen håper eg sola kjem, og at eg får vist alle vårt flotte vinterlandskap!
Fjøla har fått litt julepynt på seg, i kvitt og zink.











Det er allereie kveld den andre desember! Tida går så fort...
Kos dokke!





post signature

tirsdag 1. desember 2009

Julegåver

Hei alle kjekke bloggvener! Eg vil først takke for alle nydelege kommentarar og tilbakemeldingar som eg får dagleg her inne! Eg prøver å ta runden kvar dag, men ser at eg ikkje alltid kjem rundt! Dette ukjende bloggeuniverset har åpna seg opp; og det ser ut til at godheita ingen ende vil ta! :) Eg har ikkje akkurat vore plaga med god sjølvtillit, etter to år med sjukmelding, men kjenner no at eg skaper igjen! Og DET er ein kjempegod følelse! Og når ein har ein slik god flokk som står og heiar seg fram; så er det ei oppleving eg aldri ville ha vore foruten! I går var vi på julehandel, og av erfaring veit eg at eg må pakke inn og ordne opp MED EIN GONG eg kjem i hus. Viss ikkje har det ein tendens til å bli ståande i plastposar rundt omkring i huset. Dessutan brukar eg å pynte opp med pakkane :) Dei blir no reine kunstverka ofte, og då koser eg meg ved synet, før eg sender dei frå meg! :) I år (sorry tante- og onkelungar) blei det små pakkar. MEN ingen grunn til fortvilelse! Det ser berre så puslete ut... Men fint for meg å plassere i korger! :))) Ellers vart det no litt til ho mor sjølv, det er no så mykje LEKKERT i butikkane! I går handla eg på Mira Mira, og skal lage meg ynskjeliste der. Draumemannen datt av lasset før dette, så eg fekk ikkje vist han alt eg gjerne vil ha på julaften. (kanskje like bra...) Vi brukar å kjøpe mest til ungane, men i år har eg forlangt at vi også skal overraske kvarandre! Her er det winterwonderland i dag, med gløtt av sol og glitrande snøvkrystallar. Draumetausa blir vel knapt å sjå etter skuletid; borna i nabolaget er heilt elleville over den kvite dyna som la seg over oss i går kveld og i natt. No er det meldt kulde og sol neste 10 dagane. HÅPER det  varer heilt til jul... Her har ikkje vore skikkeleg kvit jul på mange år. Og til slutt; gratulerer storesyster! Hipp Hurra for deg som har dag i dag! :)

















Ha ein flott 1.desember!





post signature

mandag 30. november 2009

Kveld i draumehagen med iskyss i frå himmelen...





TV utfordring frå Anetteshus

Anette la ut ei utfordring sist veke, om å vise fram tv`ar i huset ditt. Eg må ærleg innrømme, at eg har hoppa over denne stoveveggen med vilje kvar gong rommet har blitt tatt bilde av til bloggen... Men her er det berre å bykse i det, sjølv om eg synes krypemetoden er meir interiøraktig... Vi har ein 47" Samsung TV. Fantastisk å sjå film på, og det likar vi alle fire. Vi forutsåg ikkje kvar elektriske punkt burde vere for ti år sidan. Så støpsla er akkurat der dei ikkje burde vere... Og så har vi for lite av dei. Men ligg vi her og gret for det? Nei, her er vi så oppfinnsame som vi kan! Ein lang TV benk frå IKEA løyste problemet. For alle dei "heilkvite" der ute, er nok dette eit sjokk... Men her i huset, med innslag av svartmåla, gamle gjenstandar, er møbelet kjøpt etter år med leiting... Den blanke overflata speglar stova i eine bildet, og går i eitt med finishen på TV`en. Pianolakk er ikkje så praktisk m.t.p. riper, og er håplaus å halde støvfri. MEN vi er fornøgde med resultatet. Viss eg skulle velge ny løysing, måtte det vere ei kvit skåp frå RM, til å putte heile herligheita inni. Men enn så lenge, får den svarte, blanke benken gjere si nytte :) Zinkhuset står ved sidan av benken til vanleg, men eg synes det er så fint med svart og zink! Ved sidan av heng to bildetrykk, og over ei oldergamal fjøl frå stovehusa til tipp-tippane mine. Lenkja frå Wallas Verden er eg kjempefornøgd med, og ho har fått julepynt i klypene sine. "-har du hengt veden opp på veggen?" ville veslebror vite, når fjøla kom opp... Han er stadig fortvila på mamma`n sine påfunn ;) Den vesle skåpa til høgre, har eg bygd sjølv av gamle materialer. Vel; det var vår digre, lite vakre TV koloss, som vi er så glade i! :) Utfordringa sendast vidare!







Nyt siste november! :) Eg vakna til premie frå Maliva! Eg er så kjempeglad! Bilde øverst til venstre! Tusen Takk!

(eg er på julehandel med min kjære Mc.Dreamy i dag, eller Draumemannen om du vil...)




post signature

søndag 29. november 2009

Fyrste søndag i advent

I dag har vi hatt ein flott dag, med blå himmel og kvite skyer. Draumetausa har vore rasande sint, for det snøvar på ytre strøk... 5 km lengre ute er det kvitt ned til sjøen, men med knekken på fjorden, fylgjer det med eit vèraskilje. Og det har vore veldig tydeleg i dag. Eg reknar med at alle bloggedamer lengre ute mot havet trur eg tullar... Min fyrste søndag i advent har vore innhaldsrik. Eg vil ta dokke med opp på fjellet, der det var fantastisk vakkert i dag. Lyset var så blått, og det låg eit slør av melis utover myrane. Fjellet er flott, sjølv om det ikkje er skiføre enno! Etter turen hadde vi julebord hos mamsen, som endeleg er heime att. Søndagen kunne ikkje ha vore betre. Det held på å kome opp lys i alle nabohagane, og Draumetausa er mellomfornøgd med at eg ikkje har tatt opp våre... Men det skal bli :) Nyt kvelden, og tenn lys!











Tenn lys!  
Eitt lys skal brenne, for denne lille jord.
Den blanke himmelstjerna, der vi og alle bor.
Må alle dele håpet så gode ting kan skje.
Må jord og himmel møtes. Eitt lys er tent for det.